Cəlilabadda minik avtomobili aşdı: iki nəfər xəsarət alıb
Qəzalar
23 Sentyabr 2019 08:34
Oxunub 871
Yaralılar Cəlilabad Rayon Mərkəzi Xəstəxanasına yerləşdirilib
Cəlilabad rayonunda yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə rayon ərazisində qeydə alınıb. Belə ki, idarəetmədən çıxan minik avtomobili aşıb. Nəticədə avtomobilin içərisində olan Cəlilabad rayon sakini, 1976-cı il təvəllüdlü Həsənov Adil Vəli oğlu və rayonun Suluçeşmə kənd sakini, 1972-ci il təvəllüdlü Quliyev Mehman Tehranxan oğlu müxtəlif dərəcəli bədən xəsarətləri alıblar.
Yaralılar Cəlilabad Rayon Mərkəzi Xəstəxanasına yerləşdirilib. Hər iki şəxsə ilkin tibbi yardım göstərilib. Hazırda faktla bağlı araşdırma aparılır.
ŞƏRH YAZ