“Changan” aşıb ağaca çırpıldı; 17 yaşlı sürücü öldü - FOTO

Sürücülük vəsiqəsi olmayan yeniyetmə qız ağır qəza törədib. Avtosfer.az xəbər verir ki, hadisə Moskva vilayətinin Şatura bələdiyyə dairəsində baş verib.

Rusiya Daxili İşlər Nazirliyinin Moskva vilayəti üzrə Baş İdarəsindən verilən məlumata görə, sürücülük hüququ olmayan 17 yaşlı yeniyetmə idarə etdiyi “Changan” markalı avtomobillə hərəkətdə olarkən sükan idarəetməsini itirib. Bundan sonra nəqliyyat vasitəsi aşıb və sürüklənərək  yol kənarındakı ağaca çırpılıb.

Qəza nəticəsində 17 yaşlı sürücü aldığı ağır xəsarətlərdən hadisə yerindəcə dünyasını dəyişib. Avtomobildə olan digər sərnişinlər — 13 və 15 yaşlı iki məktəbli qız isə müxtəlif dərəcəli bədən xəsarətləri ilə xəstəxanaya yerləşdiriliblər.

Hazırda faciənin başvermə səbəbləri, həmçinin yetkinlik yaşına çatmayan şəxsin avtomobilin açarlarına necə sahib olduğu araşdırılır.

Namiq Musayev