Daha bir piyada yol qəzasının qurbanı olub

Bu gecə daha bir piyadanın vurulması ilə nəticələnən yol qəzası baş verib. Avtosfer.az "Report"a istinadən xəbər veirr ki, hadisə Xırdalan şəhəri ərazisində qeydə alınıb. Belə ki, 1997-ci il təvəllüdlü Sabunçu rayon sakini Rəhmanov Zeynal Rövşən oğlu şəhər ərazisində yolu keçmək istəyərkən "99-CX-704" dövlət qeydiyyat nömrə nişanlı "Prado" markalı avtomaşın tərəfindən vurulub. Xəsarət alan piyada dərhal 1 saylı Şəhər Kliniki Xəstəxanasına gətirilib. Ona, sağ ayağının sınığı diaqnozu qoyulub.

Faktla bağlı araşdırma aparılır.