Dəhşətli qəza: “Hyundai” iki “VAZ”la toqquşdu, sürücülərdən biri yola düşdü - VİDEO

Ağsuda baş vermiş zəncirvari qəza anbaan təhlükəsizlik kamerasına düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Belə ki, “VAZ-2106” markalı maşının sürücüsü qəflətən idarəetməni itirərək qarşı tərəfdən gələn “Hyundai” markalı avtomobilə, o isə öz növbəsində yol kənarında dayanmış “VAZ-2107” markalı maşına çırpılıb. Zərbənin təsirindən “06” geriyə hərəkət edib və bu zaman sürücü maşından sıçrayaraq yolun ortasına düşüb. Qəzanın maraq doğuran tərəfi isə “VAZ” markalı maşınların sürücülərinin xəsarət almaması olub. Digər avtomobili idarə edən şəxsin isə müxtəlif dərəcəli bədən xəsarətləri aldığı bildirilib. Hadisə zamanı hər üç nəqliyyat vasitəsi tamamilə sıradan çıxıb.

Nərmin