Dərsdən çıxan 3 məktəbli qızı avtomobil vurub - Beyləqanda

Beyləqan rayonunda dərsdən qayıdan 3 məktəbli qızı avtomobil vurub. Avtosfer.az-ın "Report"a istinadən verdiyi məlumata görə, hadisə rayonun 1-ci Şahsevər kəndində şagirdlərin məktəbin həyətindən çıxan vaxt baş verib. Belə ki, rayon sakini Vüsal Həsənov idarə etdiyi “VAZ-2106” markalı avtomobillə məktəbin yanından keçərkən 3 məktəbli qızı vurub.

Xəsarət alanlar rayonun 1-ci Şahsevər kənd sakinləri - 2005-ci il təvəllüdlü Aynur Kərimli, Rəqsanə Cəfərli və Duyğu Ələkbərli Beyləqan Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.