Əsgərlərin olduğu zirehli maşın aşdı: 13 nəfər xəsarət alıb - FOTO

Türkiyənin Tuncəli vilayətində əməliyyatdan qayıdan əsgərləri daşıyan zirehli maşının qəzaya uğraması nəticəsində 13 nəfər xəsarət alıb. Avtosfer.az xəbər verir ki, insident günorta saatlarında Pülümür vadisində qeydə alınıb.

Məlumata görə, Pülümür rayonun çöllük ərazisindən terror əməliyyatından qayıdan əsgərlərin olduğu zirehli maşın, idarəetmədən çıxaraq aşıb. Yaralanan 13 əsgər ambulanslarla Tuncəli Dövlət Xəstəxanasına çatdırılıblar. Onların səhhətlərinin qənaətbəxş olduğu bildirilib.

Müvafiq qurumlar tərəfindən hadisənin baş vermə səbəbləri araşdırılır.

Namiq Musayev