Futbolçu sərxoş vəziyyətdə qəza törədib, ciddi xəsarət alıb

İngiltərənin "Derbi Kaunti" komandasının futbolçuları yol qəzasına düşüb. Avtosfer.az "Report"a istinadən xəbər verir ki, oyunçular ötən gün şam yeməyində yığıncaq keçiriblər. Bu zaman komandanın kapitanı Riçard Kio və digər iki oyunçu spirtli içki qəbul ediblər.

Tədbirdən sonra onlara sürücülük xidməti təklif olunub, lakin oyunçular imtina edərək maşına miniblər. Nəticədə qəza baş verib və Riçard Kio ciddi zədə alıb. Digər iki futbolçu isə saxlanılıb.

Xəsarət alan 33 yaşlı irlandiyalı müdafiəçi bu mövsümun sonuna kimi sıradan çıxıb. "Derbi Kaunti" hadisə ilə bağlı araşdırma aparacağını bildirib.

Qeyd edək ki, Riçard Kio İrlandiya millisinin də üzvüdür.