Gürcüstanda azərbaycanlı məktəblini maşın vurub

Gürcüstanın Marneuli rayonunun mərkəzi Rustaveli küçəsində “BMW” markalı avtomobil 12 yaşlı azərbaycanlı məktəbli qızı vurub.

“Report”un yerli bürosu xəbər verir ki, hadisə 3 saylı ictimai məktəbin yaxınlığında baş verib.

Yeniyetmə yolu keçirmiş. O, başından xəsarətlər alıb. Məktəbli dərhal xəstəxanaya çatdırılıb. Məktəblinin aldığı xəsarətlərin həyatı üçün təhlükəli olmadığı bildirilir.

Polis faktla bağlı araşdırma aparır.