Havada iki helikopter toqquşdu: 2 ölü, 1 yaralı

ABŞ-ın Texas ştatında iki “Robinson R22” helikopterinin iştirakı ilə baş verən qəzada 2 nəfər ölüb, 1 nəfər isə xəsarət alıb. Avtosfer.az xəbər verir ki, insident San-Antonio şəhərindən 260 kilometr şərqdə qeydə alınıb.

Məlumata görə, havada toqquşan helikopterlərdən biri qəzadan sonra yerə enə bilib, onun içərisindəki 1 nəfər yaralanıb, digəri isə yerə çırpılıb və göyərtəsində olan 2 nəfər dünyasını dəyişib.

Federal mülki aviasiya idarəsi və milli nəqliyyat təhlükəsizliyi agentliyi tərəfindən araşdırmalar aparılır.

Namiq Musayev