İdarəetmədən çıxan avtomobil səkiyə və dayanacağa çırpılıb

Bakının Suraxanı rayonunda 1 nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az">Avtosfer.az APA-ya istinadən xəbər verir ki, hadisə Yeni Suraxanı qəsəbəsindəki yerüstü keçidin yaxınlığında qeydə alınıb.

1985-ci il təvəllüdlü Hüseynov Elsevər Mehman oğlu idarə etdiyi avtomobillə hərəkətdə olarkən idarəetməni itirib. Nəticədə avtomobil yol kənarındakı səkiyə və dayanacağa dəyib. Qəza zamanı sürücü E.Hüseynov xəsarət alaraq xəstəxanaya yerləşdirilib.

Faktla bağlı Suraxanı Rayon Polis İdarəsində araşdırma aparılır.