İdarəetmədən çıxan maşın beton arakəsməyə dəyib yoluna davam etdi - VİDEO

Abşeron rayonu, Hökməli qəsəbəsində baş vermiş yol-nəqliyyat hadisəsi anbaan kameraya düşüb.

Avtosfer.az-ın məlumatına görə, hadisə avqustun 8-də saat 03:58 radələrində Bakı–Şamaxı şosesində qeydə alınıb.

Görüntülərdən məlum olur ki, “Hyundai” markalı avtomobil hərəkətdə olarkən sürücü idarəetməni itirir və nəqliyyat vasitəsi beton arakəsməyə çırpılır. Daha sonra sürücü avtomobili yenidən nəzarətə götürərək baş verəcək ağır yol-nəqliyyat hadisəsinin qarşısını ala bilir.

Qeyd edək ki, videogərüntü sosial şəbəkədə müzakirələrə səbəb olub. İstifadəçilərin bir qismi sürücünün sükan arxasında yuxulu olduğunu və bu səbəbdən qəza törətdiyini iddia ediblər.

Qeyd edək ki, sürücü nəqliyyat vasitəsini yalnız təhlükəsiz idarə edə biləcək fiziki və psixoloji vəziyyətdə idarə etməlidir. Yorğun və ya yuxulu halda sükan arxasına əyləşmək diqqətin zəifləməsinə, reaksiyanın gecikməsinə və ağır yol-nəqliyyat hadisələrinə səbəb ola bilər.

Nərmin