İki avtomobil toqquşdu: iki nəfər xəsarət alıb - Salyanda

Salyan rayonunda xəsarətlə nəticələnən yol qəzası baş verib. Avtosfer.az “Report”a istinadən xəbər verir ki, hadisə Sarvan kəndində qeydə alınıb. "VAZ-2104" markalı avtomobil digər minik avtomobili ilə toqquşub. Hadisə zamanı Salyan sakini, 2004-cü il təvəllüdlü Feyzullayev Rəvan Bəhruz oğlu, Neftçala sakini, 1999-cu il təvəllüdlü Kərimov Əkrəm Əlibaba oğlu müxtəlif dərəcəli bədən xəsarətləri alıblar. Yaralılar Salyan Rayon Mərkəzi Xəstəxanasına çatdırılıb.

Faktla bağlı araşdırma aparılır.