İşçiləri daşıyan Mi-8 sərt eniş etdi: 15 nəfər yaralanıb - FOTO

Rusiyanın Krasnoyarsk əyalətində Mi-8 tipli vertolyotun sərt eniş etməsi nəticəsində 15 nəfər xəsarət alıb. Avtosfer.az yerli mətbuata istinadən məlumat verir ki, insident bu gün səhər saatlarında Evenkiyski rayonunun Baykit kəndidə baş verib.

Məlumata görə, Baykit kəndindən Yrubçenskiyə uçan “Krasnoyarsk Hava Yolları” aviaşirkətinə məxsus vertolyot, havaya qalxdıqdan bir müddət sonra qar çovğununa düşərək sərt eniş edib. Zərbənin şiddətindən hava gəmisi yararsız vəziyyətə düşüb.

Bildirilir ki, göyərtədə 3-ü ekipaj üzvü olmaqla ümumilikdə 24 nəfər olub.

Həmçinin qeyd edilir ki, vertolyot növbəli iş rejimində işləyən işçiləri aparırmış.

Faktla bağlı cinayət işi açılıb, araşdırmalara aparılır.

Namiq Musayev