İsmayıllıda "Hyundai" aşdı: iki qardaş xəsarət alıb

İsmayıllıda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən xəbərinə görə, hadisə Muğanlı-İsmayıllı yolunun Basqal qəsəbəsi ərazisindən keçən hissəsində qeydə alınıb. "Hyundai" markalı, 99-LJ-521 dövlət nömrə nişanlı minik avtomobili yoldan çıxaraq aşıb. Nəticədə avtomobildə olan qardaşlar - 1981-ci il təvəllüdlü Əzəmmədov Rövşən Ələsgər oğlu və 1987-ci il təvəllüdlü Əzəmmədov Adil Ələsgər oğlu müxtəlif dərəcəli bədən xəsarətləri ilə İsmayıllı rayon Mərkəzi Xəstəxanasına çatdırılıb.

Faktla bağlı araşdırma aparılır.