Kənar dairəvi yolda “Lada” yük maşınına çırpıldı - VİDEO

Paytaxtın Yasamal rayonunda yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 11-də səhər saatlarında Kənar dairəvi yolda qeydə alınıb. Hərəkətdə olan 77-PR-028 dövlət nömrə nişanlı “Lada Xray” markalı avtomobil 99-ZK-601 dövlət nömrə nişanlı yük maşınına çırpılıb.

Zərbənin təsirindən minik avtomobilinə ciddi maddi ziyan dəyib. Hadisə zamanı xəsarət alan olmayıb.

Qəza səbəbindən yolda müvəqqəti sıxlıq yaranıb.

Hadisənin başvermə səbəbləri araşdırılır.

Nərmin