Kənar Dairəvi yolda qəza: Toqquşan maşınlar dərəyə düşdü, gənc sürücü.. - RƏSMİ - VİDEO

Bakının Yasamal rayonunda yol-nəqliyyat hadisəsi baş verib.

Baş Dövlət Yol Polisi İdarəsinin (BDYPİ) İctimai qurumlarla əlaqə şöbəsinin xüsusilə mühüm tapşırıqlar üzrə baş inspektoru, polis polkovnik-leytenantı Mübariz Ağayev Avtosfer.az-ın sorğusuna cavab olaraq bildirib ki, qəza avqustun 25-də saat 18:00 radələrində Kənar dairəvi yolunun 500-cü kilometrliyində qeydə alınıb: “Belə ki, Hadıyev Məhəmmədin idarə etdiyi 77-PN-359 dövlət nömrə nişanlı “Khazar” markalı maşın, İlqar Mahmudovun idarə etdiyi 01-CO-563 dövlət nömrə nişanlı “Toyota Prius” markalı avtomobillə toqquşub. Hadisə zamanı “Khazar” markalı avtomobilin sürücüsü 2004-cü il təvəllüdlü Məhəmməd Hadıyev müxtəlif dərəcəli bədən xəsarətləri alıb”. 

Qeyd edək ki, şahidlərin iddiasına əsasən, qəza, “Khazar” sürücüsünün qəfildən idarəetməni itirməsi nəticəsində yaranıb.

Faktla bağlı araşdırma aparılır. 

Nərmin