Kiçik mühərrikli təyyarə qəzaya uğrayıb, iki nəfər həlak olub

Almaniyanın Raynland-Pfalts əyalətinin Limburgerhof şəhərində kiçik mühərrikli təyyarənin qəzaya uğraması nəticəsində iki nəfər həlak olub. Avtosfer.az “Bild” qəzetinə istinadla xəbər verir ki, hadisə nəticəsində bir nəfər də ağır xəsarət alıb. Təyyarənin havada partladığı ehtimal edilir. Hadisə şahidləri təyyarənin qalıqlarının yaşayış sahəsinə dağıldığını bildiriblər. Qəza ilə bağlı araşdırma aparılır.