Kürdəmirdə avtomobil piyadanı vuraraq ağır xəsarət yetirib

Kürdəmirdə piyadanın vurulması ilə nəticələnən yol-nəqliyyat hadisəsi baş verib.

"Report"un Yuxarı Şirvan bürosu xəbər verir ki, hadisə Bakı-Qazax yolunun rayonun Sığırlı kəndindən keçən hissəsində qeydə alınıb.

Belə ki, 1964-cü il təvəllüdlü Şirvan şəhər sakini Mikayılov Rəfael Ayazxan oğlu yolu keçmək istəyərkən onu "RAF-2203" markalı mikroavtobus vurub. Yaralı ətrafdakı insanların köməyi ilə Kürdəmir Rayon Mərkəzi Xəstəxanasının Travmatologiya Şöbəsinə yerləşdirilib. Onun vəziyyəti ağır qiymətləndirilir.

Fakt araşdırılır.