“Land Cruiser” “Volkswagen”lə toqquşdu: 7 nəfər xəsarət alıb

Rusiyanın Omsk əyalətində minik avtomobilinin və mikroavtobusun iştirakı ilə yol-nəqliyyat hadisəsi baş verib. Avtosfer.az xəbər verir ki, bu barədə Rusiyanın DİN-nin Regional Qrupu üzrə mətbuat xidmətindən məlumat verilib.

Məlumata görə, “Toyota Land Cruiser Prado” markalı minik avtomobili, hərəkətin əks istiqamətinə çıxaraq “Volkswagen Transporter” markalı mikroavtobusla toqquşub.

Nəticədə hər iki nəqliyyat vasitəsinin sürücüsü və “Volkswagen”nin 5 sərnişini olmaqla ümumilikdə 7 nəfər xəsarət alıb. Yaralılar təcili tibbi yardım maşınları ilə yaxınlıqdakı xəstəxanalara çatdırılıblar.

Polis baş vermiş qəza ilə bağlı təhqiqatlara başlayıb.

Namiq Musayev