Lənkəranda palıd hərəkətdə olan maşının üstünə aşdı

Lənkəranda palıd ağacı maşının üstünə aşıb, xəsarət alanlar var.

Oxu.Az-ın bölgə müxbirinin xəbərinə görə, köhnə Ələt-Astara magistral yolunun Lənkəranın Bürcəli kəndindən keçən hissəsində palıd ağacının iri budağı sınıb və həmin vaxt yoldan keçən Astara sakini, 33 yaşlı Cavadov Rüfət Şahverən oğlunun idarə etdiyi “KIA” markalı avtomobilin üstünə düşüb.

Nəticədə avtomobilin içərisində olan 4 şəxsdən ikisi - sürücü və onun xanımı xəsarət alıb. Daha ciddi xəsarət alan sürücü Lənkəran Rayon Mərkəzi Xəstəxanasının Travmatologiya Şöbəsinə yerləşdirilib. Vəziyyəti normal qiymətləndirilir.