Meksikada qatar relsdən çıxdı - Ölənlər var

Meksikanın cənubunda “Interoceánico” sərnişin qatarının relsdən çıxıb.

Avtosfer.az xarici KİV-ə istinadən xəbər verir ki, hadisə nəticəsində azı 13 nəfər həlak olub, onlarla insan yaralanıb.

Məlumata görə, qatarda 241 sərnişin və 9 ekipaj üzvü olub. Meksika Prezidenti Klaudiya Şeynbaumun sözlərinə görə, 98 nəfər xəsarət alıb, 36 nəfər xəstəxanaya yerləşdirilib və onların beşinin vəziyyəti ağırdır.