Məktəblilərin olduğu avtobus aşdı: azı 2 ölü, 10-dan çox yaralı - VİDEO

Argentinada məktəblilərin olduğu avtobusun aşması nəticəsində 2 uşaq dünyasını dəyişib, 10-dan çox uşaq ağır xəsarətlər alıb. Avtosfer.az xəbər verir ki, insident bu gün səhər saatlarında Buenos-Ayres şəhərindən 160 kilometr aralıda qeydə alınıb.

Məlumata görə, avtobusda 11-13 yaşlarında 43 uşaq, iki sürücü və 10 nəfər böyük olub.

Avtobus məktəb ekskursiyasına yollanıbmış.

Qəzanın dəqiq səbəbləri hələ məlum deyil. Ancaq sürücü, qəzanı sükan idarəetməsini itirdiyindən sonra baş verdiyini bildirib.

Əraziyə xilasedicilər, polis və səhiyyə briqadaları cəlb edilib.

Namiq Musayev