Məktəblilərin olduğu avtobus uçuruma yuvarlandı: azı 8 nəfər ölüb - VİDEO

Peruda avtobusun qəzaya uğraması nəticəsində azı 8 nəfər ölüb. Avtosfer.az xəbər verir ki, insident bu gün yerli saatla 07.03 radələrində Kusko departamentinin dağlıq ərazisində yerləşən Uarakay yaşayış məntəqəsi ərazisindən keçən yolda qeydə alınıb. Bu barədə “Andina” agentliyi məlumat yayıb.

Məlumata görə, sürücü yüksək sürətlə idarə etdiyi avtobusun sükan idarəetməsini itirib və bundan sonra avtobus 50 metr hündürlükdən uçuruma yuvarlanıb.

Bildirilir ki, avtobusda məktəblilər olub. Yaralılar xəstəxanaya çatdırılıblar.

Hadisə yerinə xilasetmə qüvvələri cəlb edilib.

Namiq Musayev