“"Mercedes" "DAF"a çırpıldı: 10 yaralı - FOTO

Ukraynada sərnişin mikroavtobusunun və yük maşınının iştirakı ilə baş verən yol qəzasında 10 nəfər yaralanıb. Avtosfer.az xəbər verir ki, insident sentyabrın 1-i səhər saatlarında Dnepropetrovsk əyalətinin Elizavetovka kəndi yaxınlığında qeydə alınıb. Bu barədə Ukrayna Milli Polisinin regional idarəsinin mətbuat xidməti məlumat yayıb.

Məlumata görə, “Mercedes-Benz” markalı mikroavtobus ara məsafəsi saxlamayaraq “DAF” markalı yük maşınına arxadan çırpılıb.

Nəticədə 10 nəfər müxtəlif cür bədən xəsarətləri ilə xəstəxanaya yerləşdiriliblər.

Polis hadisə ilə bağlı təhqiqatlara başlayıb.

Namiq Musayev