Mikroavtobus yol kənarına aşdı: 19 yaralı - FOTO

Türkiyənin Adıyaman vilayətində mikroavtobusun iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident ötən gün Kahta istiqamətindən Adıyamana gedən yolda qeydə alınıb.

Məlumata görə, Şəvkət Çakırın idarə etdiyi 02 D 6017 qeydiyyat nömrə nişanlı sərnişin mikroavtobusu, Samsat yol ayrıcında sürücünün idarəetməsindən çıxaraq uçuruma yuvarlanıb.

Nəticədə sürücü Şəvkət Çakırla birlikdə mikroavtobusda olan Nuh Ərdəmir, Abdulvahap Bərk, Zəhra Qaya, Mərvə Yüksəkyayla, Ayşəgül Ağbaş, Nihat Çalgıcı, Nərgis Yüksəkyayla, Osmancan Şahan, Ramazan Qoç, Qədir Tuncel, Sadıq Bozqurd, Məhmət Baran, Məhmət Şaraldı, Mustafa Mətə, Fərhad Saray və adı öyrənilməyən 3 nəfər xəsarət alıb.

Yaralılar hadisə yerinə çağırılan ambulanslarla Adıyaman Təlim və Araşdırma Xəstəxanasına çatdırılıblar.

Müvafiq qurumlar tərəfindən araşdırmalara başlanılıb.

Namiq Musayev