Mingəçevirdə avtomobil daş hasara çırpılıb

Mingəçevirdə toy karvanında idarəetmədən çıxan avtomobil divara çırpılıb. Avtosfer.az-ın APA-ya istinadən məlumatına görə, hadisə Heydər Əliyev prospektinin Mingəçevir Yüksək Texnologiyalar Parkı yaxınlığından keçən hissəsində baş verib. Toy karvanı iştirakçısı olan "VAZ 2106" markalı avtomobil idarəetmənin itirilməsi nəticəsində yoldan çıxıb və prospekti fərdi təsərrüfatlardan ayıran daş hasara çırpılıb. Nəticədə hasar dağılıb, avtomobildə olanlar isə xəsarət almayıb.

Faktla bağlı araşdırma aparılır.