Mingəçevirdə avtomobilin vurduğu piyada xəsarət alıb

Mingəçevirdə 28 yaşlı qadını avtomaşın vurub. Avtosfer.az-ın APA-ya istinadən məlumatına görə, hadisə Energetik yaşayış massivində, köhnə Doğum Evinin yaxınlığında baş verib. “VAZ 2106” markalı avtomobil yolu keçən 1991-ci il təvəllüdlü piyada — Umarova Ceyran Faiq qızını vuraraq ona müxtəlif dərəcəli bədən xəsarətləri yetirib. Yaralı qadın xəstəxanaya yerləşdirilib.

Faktla bağlı araşdırma aparılır.