Mingəçevirdə yol qəzası olub, avtomobil yanıb

Mingəçevir şəhərində yol qəzası baş verib. Avtosfer.az-ın APA-ya istinadən məlumatına görə, qəza şəhərin Heydər Əliyev prospektində qeydə alınıb.

“Mercedes” markalı avtomobilin sürücüsü idarəetməni itirib, avtomobil aşıb və nəticədə avtomobildə yanğın olub.

Avtomobilin sürücüsü 1982-ci il təvəllüdlü Bayraməliyev Elçin Şair oğlu ağır xəsarət alıb. O, xəstəxanaya yerləşdirilib.

Yanğın Fövqəladə Hallar Nazirliyinin (FHN) yanğından mühafizə bölmələri tərəfindən söndürülüb.

Faktla bağlı araşdırma aparılır.