Mingəçevirdə yük və minik avtomobilləri toqquşdu - VİDEO

Mingəçevirdə yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, bununla bağlı görüntülər sosial şəbəkələrdə yayılıb.

Bildirilib ki, hadisə saat 21:00-da Mingəçevir şəhəri çimərlik yolu adlanan ərazidə qeydə alınıb. Yoxuşda "Shacman" markalı yük maşınının əyləc sistemində problem yarandığından geriyə doğru hərəkət edib. Bu zaman "Opel" markalı minik avtomobili ona çırpılıb.

Hadisə nəticəsində xəsarət alan olmasa da, hər iki nəqliyyat vasitəsinə ciddi maddi ziyan dəyib.