Mingəçevirdə zəncirvari yol qəzası baş verib - FOTO

Mingəçevirdə zəncirvari yol qəzası baş verib. Avtosfer.az-ın APA-ya istinadən məlumatına görə, hadisə şəhərin Təbriz küçəsində qeydə alınıb. Belə ki, “VAZ 2112” və iki “ VAZ 2104” markalı minik avtomobilləri toqquşub. Qəza nəticəsində biri yüngül olmaqla iki nəfər müxtəlif dərəcəli bədən xəsarətləri alıb. Xəsarəti yüngül olan şəxsə yerindəcə tibbi yardım göstərilib, durumu ciddi olan 1989-cu il təvəllüdlü, Bakı şəhər sakini Məmmədov Elmir Nəbi oğlu isə xəstəxanaya yerləşdirilib.

Faktla bağlı araşdırma aparılır.