Misirdə yol qəzası baş verib, azı 16 nəfər öldü

Misirdə, Sinay yarımadasının cənubunda avtobusun qəzaya düşməsi nəticəsində azı 16 nəfər ölüb, daha 28 nəfər isə xəsarət alıb.

Avtosfer.az-ın "Sky News" telekanalına istinadən verdiyi məlumata görə, bu barədə ölkənin Səhiyyə Nazirliyindən bildirilib.

Məlumata görə, qəza Dahab-Nuveyba yolunda baş verib. Hadisənin digər təfərrüatları və zərərçəkənlərin vəziyyəti barədə məlumat verilmir.

Qeyd edək ki, Sinay yarımadasının cənub hissəsi turistlər arasında populyardır./report