Naməlum avtomobil piyadanı vuraraq öldürüb

Sumqayıtda piyadanın ölümü ilə nəticələnən yol-nəqliyyat hadisəsi baş verib. Bu barədə Avtosfer.az-a Daxili İşlər Nazirliyinin (DİN) Mətbuat xidmətindən məlumat verilib.

Belə ki, oktyabrın 12-də saat 20 radələrində Sumqayıt şəhərinin H.Z.Tağıyev qəsəbəsi ərazisində müəyyən edilməyən avtomobillə yolu keçən şəhər sakini Ramin Hüseynov vurulub və o, aldığı xəsarətlərdən hadisə yerində ölüb.

Sumqayıt Şayon Polis İdarəsi tərəfindən əməliyyat-axtarış tədbirləri aparılır.