Nərimanov rayonunda avtomobil naməlum qadını vurub

Bakıda piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Nərimanov rayonu Ağa Nemətulla küçəsində qeydə alınıb. Belə ki, avtomobil şəxsiyyəti hələ müəyyənləşdirilməyən 60-65 yaşlı qadın yolu keçmək istəyərkən onu avtomobil vurub. Yaralı təcili tibbi yardım briqadasının köməkliyi ilə xəstəxanaya çatdırılıb. Ona kəllə-beyin travması və alın nahiyəsinin əziyi diaqnozu qoyulub. Yaralı reanimasiyaya yerləşdirilib.