Novxanı yolunda ağır qəza: Üç maşın toqquşdu, biri aşdı - VİDEO

Abşeron rayonu, Novxanı yolunda zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza iyulun 23-də səhər saatlarında qeydə alınıb.

Belə ki, “Chevrolet” markalı, 90-VN-682 dövlət nömrə nişanlı “Toyota” markalı və “Toyota Prius” markalı avtomobillər toqquşub. Zərbənin təsirindən “Chevrolet” idarəetmədən çıxaraq yol kənarına aşıb.

Hadisə nəticəsində “Chevrolet” tamamilə yararsız vəziyyətə düşüb, digər nəqliyyat vasitələrinə də maddi ziyan dəyib. Sürücülər arasında xəsarət alanların olduğu bildirilir.

Qəza səbəbindən yolda nəqliyyatın hərəkətində sıxlıq yaranıb. Hadisə yerinə polis əməkdaşları cəlb olunub.

Faktla bağlı araşdırma aparılır.

Nərmin