Oğuzda ağır QƏZA: Xəsarət alan var - VİDEO - YENİLƏNİB

Oğuz rayonunun Bayan kəndi ərazisində baş verən yol-nəqliyyat hadisəsi zamanı xəsarət alan şəxslərin vəziyyəti açıqlanıb.

Avtosfer.az-ın məlumatına görə, oxu.az-a Oğuz Rayon Mərəzi Xəstəxanasından bildirilib ki, fevralın 24-də saat 03:30-də Oğuz rayonunun Bayan kəndi ərazisində baş verən yol-nəqliyyat hadisəsi səbəbi ilə üç nəfər (kişi) Oğuz Rayon Mərəzi Xəstəxanasının Təcili tibbi yardım şöbəsinə hospitalizasiya olunub.

"Yaralılara başın və bədənin müxtəlif nahiyələrinin açıq yarası, burun qanaxması diaqnozları təyin olunub və zəruri tibbi yardım göstərilib. Vəziyyətləri orta ağır qiymətləndirilən pasiyentlərin müalicəsi Təcili tibbi yardım şöbəsində davam etdirilir", - deyə məlumatda bildirilir.

***10:06

Gecə saatlarında Qaraməryəm-İsmayıllı-Şəki avtomobil yolunun Oğuz rayonunun Bayan kəndi ərazisindən keçən hissəsində yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə nəticəsində VAZ-2107 markalı avtomobil idarəetmədən çıxaraq ağaca çırpılıb.

Nəticədə sürücü, 23 yaşlı Səddam Allahverdiyev, sərnişinləri - 24 yaşlı Cəmil Şərifli və 25 yaşlı Okan Həmidli xəsarət alıblar.

Faktla bağlı araşdırma aparılır.