Paytaxtda avtomobil dirəyə çırpılıb, sürücü ölüb

Bakıda ağır yol-nəqliyyat hadisəsi zamanı xəsarət alan “VAZ-2107” markalı avtomobilin sürücüsü, 31 yaşlı Abuzərov Elman Rauf oğlu xəstəxanada vəfat edib. Avtosfer.az "Report"a istinadən xəbər verir ki, həkimlərin müdaxiləsinə baxmayaraq onun həyatını xilas etmək mümkün olmayıb.

***00:52

Bakıda ağır yol-nəqliyyat hadisəsi baş verib. Hadisə bu gecə Qala Əyləncə Parkının yanında qeydə alınıb.  Belə ki, “VAZ-2107” markalı avtomobil yoldan çıxaraq dirəyə çırpılıb. Qəza nəticəsində sürücü, 1988-ci təvəllüdlü Abuzərov Elman Rauf oğlu xəsarət alıb. Yaralı ətrafdakıların köməkliyi ilə xəstəxanaya çatdırılıb. Yaralı təcili əməliyyata götürülüb.

Faktla bağlı araşdırma aparılır.