Qaxda baş verən yol qəzasında iki nəfər xəsarət alıb

Qaxda yol-nəqliyyat hadisəsi baş verib.

APA-nın şimal-qərb bürosunun məlumatına görə, hadisə bu gün günorta saatlarında Qax-Qorağan avtomobil yolunda qeydə alınıb. Yevlax rayon sakininin idarə etdiyi “VAZ-2107” markalı minik avtomobili idarəetmədən çıxaraq yol kənarındakı ağaca çırpılıb.

Qəza zamanı iki Yevlax sakini xəsarət alıb. Xəstəxanaya yerləşdirilən yaralılardan, 1992-ci il təvəllüdlü Cəsarət Vəliş oğlu Əlizadənin vəziyyəti ağır qiymətləndirilir. Digər yaralının vəziyyəti yüngül olduğundan ona ilkin yardım göstərildikdən sonra buraxılıb.

Faktla bağlı araşdırma aparılır.