Qaxda zəncirvari qəza olub

Qaxda zəncirvari yol qəzası baş verib, xəsarət alan var. Avtosfer.az-ın APA-ya istinadən məlumatına görə, bu gün saat 19.00 radələrində Qax-Zaqatala avtomobil yolunun Süskənd kəndi ərazisindən keçən hissəsində iritonnajlı yük maşını bir neçə avtomobillə toqquşub.

Hadisəni araşdırmaq üçün əraziyə Qax rayonunun hüquq-mühafizə orqan əməkdaşları cəlb edilib. Yük maşınında sıxılmış vəziyyətdə qalan sürücünü çıxarmaq üçün əraziyə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin yanğınsöndürən xilasediciləri cəlb edilib.