Qayda pozan qadın sürücü işıqforda dayanan avtomobili vurdu - REAL VİDEO

Paytaxtın Yasamal rayonu, Yeni Yasamal yaşayış massivində baş vermiş yol-nəqliyyat hadisəsi anbaan avtomobil kamerasına düşüb.

Avtosfer.az-ın məlumatına görə, qəza bir müddət əvvəl səhər saatlarında qeydə alınıb.

Kadrlardan görünür ki, “Chevrolet” markalı avtomobil Kənar dairəvi yoldan Məhəmməd Xiyabani küçəsinə dönən zaman manevri düzgün etmir.

Nəticədə o, əks istiqamətli yolda, işıqforun qırmızı işığında dayanan 99-QZ-367 dövlət nömrə nişanlı “Changan” markalı nəqliyyat vasitəsini vurur.

Hadisə nəticəsində hər iki avtomobilə maddi ziyan dəysə də, sürücülər xəsarət almayıb.

Qeyd edək ki, qəzaya səbəb olan sürücü qadındır. 

Nərmin