Qəbələdə işıqsız və nişansız küçədə taksi aşdı - VİDEO

Qəbələ rayonunun Polad Həşimov küçəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 16-da axşam saatlarında qeydə alınıb. Belə ki, taksi fəaliyyəti ilə məşğul olan, 99-RH-114 dövlət nömrə nişanlı “Renault” markalı avtomobil idarəetmədən çıxaraq aşıb.

Hadisə nəticəsində xəsarət alan olmasa da, nəqliyyat vasitəsinə ciddi maddi ziyan dəyib.

Qəza zamanı avtomobildə olan sərnişinin sözlərinə görə, hadisənin baş verməsinə sözügedən ərazidə yolun işıqlandırılmaması və müvafiq yol nişanlarının quraşdırılmaması səbəb olub.

Faktla bağlı araşdırma aparılır.

Nərmin