Qəbələdə “VAZ” qəzaya düşdü, sərnişin hadisə yerində öldü - VİDEO

Qəbələ rayonu, Bum qəsəbəsində ölümlə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 6-da saat 21:00 radələrində qeydə alınıb. Belə ki, Elvin Qasımovun idarə etdiyi “VAZ-2106” markalı maşın idarəetmədən çıxaraq yol kənarındakı dirəyə çırpılıb. Şahidlərin iddiasına əsasən, qəzaya səbəb sürücünün qəfil idarəetməni itirməsi olub. Zərbənin təsirindən nəqliyyat vasitəsi yararsız hala düşüb, avtomobildə olan sərnişin - 48 yaşlı Cahid Hüseynov aldığı xəsarətlərdən hadisə yerində dünyasını dəyişib. Sürücü və digər sərnişin -  36 yaşlı Laçın Mahmudov yaralanıb.

Qeyd edək ki, hadisə yerinə polis əməkdaşları cəlb olunub. Qəzalı maşın ərazidən kənarlaşdırılıb.

Faktla bağlı cinayət işi başlanılıb. 

Nərmin