Qəbələdə “VAZ”la toqquşan “Opel” dərəyə düşdü, 3 nəfər.. - VİDEO

Qəbələdə yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 20-də günorta saatlarında Nohurqışlaq kəndində qeydə alınıb. Belə ki, 1956-cı il təvəllüdlü Mirzalıyev Əliağanın idarə etdiyi  “VAZ-2106” markalı maşın, 1962-ci il təvəllüdlü Məmmədov Adilin idarə etdiyi 99-EU-068 dövlət nömrə nişanlı “Opel” markalı avtomobillə toqquşub. Zərbənin təsirindən “Opel” yol kənarına düşüb. Hadisə nəticəsində hər iki nəqliyyat vasitəsinə maddi ziyan dəyib, “Opel”də olan sərnişinlər - 1965-ci il təvəllüdlü Məmmədova Xariqə, 1992-ci il təvəllüdlü Məmmədova Aytəkin və 1999-cu il təvəllüdlü Məmmədli Nurtəkin müxtəlif dərəcəli bədən xəsarətləri alıb.

Qeyd edək ki, əraziyə polis əməkdaşları cəlb olunub. 

Faktla bağlı araşdırma aparılır.

Nərmin