Qeyri-hava şəraiti kütləvi qəzaya səbəbə oldu: 11-i ağır, 51 yaralı - FOTO

ABŞ-ın Virciniya ştatında kütləvi yol qəzası baş verib. Avtosfer.az xəbər verir ki, insident ötən gün səhər saatlarında “I-64” avtomagistralında qeydə alınıb. Məlumata görə, havanın dumanlı və yolun buzlu olması səbəbindən 63 avtomobil bir-biri ilə toqquşub. Nəticədə 11-i ağır, 51 nəfər xəsarət alıb. Yaralılar yaxınlıqdakı xəstəxanalara çatdırılıblar. Ölənlərin olub-omaması barədə məlumat verilmir.

Hadisədən sonra yol bir müddətlik bağlansa da, qəzaya uğramış avtomobillər ərazidən yığışdırıldıqdan sonra, yol təkrar nəqliyyatın hərəkətinə açılıb.

Namiq Musayev