Qəzadan sonra avtomobillər yandı: 3 nəfər xəsarət alıb - FOTO

Rusiyanın paytaxtı Moskvada iki avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, hadisə ötən gün Bolışoy Sadovoy küçəsində qeydə alınıb.

Məlumata görə, iki nəqliyyat vasitəsinin toqquşmasından sonra yanacaq axması səbəbindən yanğın baş verib. Nəticədə 3 nəfər xəsarət alıb.

Yanğın yanğınsöndürmə briqadaları tərəfindən söndürülüb. Yaralılar “təcili tibbi yardım” maşınları ilə xəstəxanaya çatdırılıblar.

Polis faktla bağlı təhqiqatlara başlayıb.

Namiq Musayev