Saatlıda “Qazel” at arabasını vurub, xəsarət alan var

Saatlıda bir nəfərin xəsarət alması ilə nəticələnən yol-nəqliyyat hadisəsi baş verib.

“Report”un Aran bürosu xəbər verir ki, hadisə rayonun Qaranuru kəndi ərazisində qeydə alınıb.

Belə ki, Hüseynov Kamil Ələsgər oğlu idarə etdiyi “Qazel” markalı avtomobillə hərəkətdə olarkən qarşıdan gedən at arabasını vurub. Qəza nəticəsində at arabasında olan, 1996-cı il təvəllüdlüAbbasquliyev Nurlan Kamil oğlu müxtəlif dərəcəli ağır bədən xəsarətləri alıb. Yaralı Sabirabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.