Sabirabadda qadını avtomobil vuraraq öldürüb

Sabirabad rayonunda naməlum avtomobil piyadanı vuraraq öldürüb. Bu barədə Avtosfer.az-a Daxili İşlər Nazirliyinin (DİN) Mətbuat xidmətindən məlumat verilib. Belə ki, oktyabrın 19-u saat 19 radələrində Sabirabad rayonunun Qalağayın kəndi ərazisində müəyyən edilməyən avtomobillə yolu keçən Sabirabad şəhər sakini Zenfira Abuşova vurulub.  Nəticədə xəstəxanaya yerləşdirilən qadın orada ölüb. Sabirabad Rayon Polis Şöbəsi (RPŞ) tərəfindən əməliyyat-axtarış tədbirləri aparılır.