Sabirabadda qəza: “Hyundai” ilə toqquşan yük maşını aşdı - VİDEO

Sabirabad rayonunda ağır yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 1-də səhər saatlarında rayonun Şəhriyar kəndində qeydə alınıb.

Belə ki, hərəkətdə olan “Hyundai” markalı minik avtomobili “Mercedes Atego” markalı yük maşını ilə toqquşub. Zərbənin təsirindən yük maşını yola aşıb.

Qəza nəticəsində hər iki nəqliyyat vasitəsinə ciddi maddi ziyan dəyib, sürücülərdən biri müxtəlif dərəcəli bədən xəsarətləri alıb.

Hadisədən sonra yolda bir müddət nəqliyyatın hərəkətində sıxlıq yaranıb.

Qəzanın başvermə səbəbləri araşdırılır.

Nərmin