Şabranda iki maşın toqquşdu: xəsarət alanlar var

Şabran rayonunda ağır yol-nqəliyyat hadisəsi baş verib. Avtosfer.az-ın "Report"a istinadən verdiyi məlumata görə, hadisə rayonun Şahnazərli kəndi ərazisində qeydə alınıb. İki minik avtomobilinin toqquşması nəticəsində Sumqayıt şəhər sakinləri – 1985-ci il təvəllüdlü Namiq Mahmud oğlu İbrahimov və onun həyat yoldaşı 1983-cü il təvəllüdlü Minarə Əmirəhməd qızı İbrahimova müxtəlif dərəcəli bədən xəsarətləri alıblar. Hadisə zamanı daha bir nəfərin xəsarət aldığı bildirilir və həmin şəxsin kimliyi araşdırlır. Xəsarət alan hər 3 şəxs Şabran Mərkəzi Rayon Xəstəxanasına yerləşdirilib.

Faktla bağlı araşdırma aparılır.