Salyanda iki yük maşını toqquşdu, sürücülərdən biri yaralandı - VİDEO

Ələt-Astara-İran sərhədi avtomobil yolunun Salyan rayonu ərazisindən keçən 23-cü kilometrliyində yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, hadisə avqustun 11-də saat 14:10 radələrində qeydə alınıb.

Məlumata görə, Tovuz rayon sakini, 1975-ci il təvəllüdlü Rauf Eldar oğlu Sadıqoğlunun idarə etdiyi 50-AG-273 dövlət qeydiyyat nişanlı “DAF” markalı yük avtomobili Astara istiqamətində hərəkətdə olarkən yolun sağ kənarında eyni istiqamətdə dayanmış vəziyyətdə olan Hacıqabul rayon sakini, 1983-cü il təvəllüdlü Dəyanət Ədalət oğlu Süleymanovun idarə etdiyi 90-JF-307 dövlət qeydiyyat nişanlı “Isuzu”markalı yük avtomobilinə çırpılıb.

Qəza nəticəsində hər iki nəqliyyat vasitəsinə ciddi maddi ziyan dəyib. “DAF” markalı yük avtomobilinin sürücüsü müxtəlif dərəcəli bədən xəsarətləri alaraq Salyan Rayon Mərkəzi Xəstəxanasına çatdırılıb.

Faktla bağlı araşdırma aparılır.

Nərmin