Salyanda minik avtomobili aşdı: bir ailənin 3 üzvü xəsarət alıb

Salyan rayonunda yol qəzası baş verib. Avtosfer.az “Report”a istinadən xəbər verir ki, hadisə bu gün səhər saatlarında Dayıkənd kəndi ərazisində qeydə alınıb.

Belə ki, “Mitsubishi” markalı avtomobilin aşması nəticəsində rayonun Şorsulu kənd sakinləri, 1966-cı il təvəllüdlü Cabbarova Nərminə Əhəd qızı, 1989-cu il təvəllüdlü Cabbarova Həyat Vərağa qızı və 2014-cü il təvəllüdlü Cabbarov İbrahim Elmir oğlu müxtəlif dərəcəli bədən xəsarətləri alıblar.

Yaralılar Salyan Rayon Mərkəzi Xəstəxanasına yerləşdirilib.

Faktla bağlı araşdırma aparılır.